Ligjvënësit e shtetit Wyoming nw USA duan të ndalojnë shitjet e automjeteve të reja elektrike deri në vitin 2035.

Ligjvënësit republikanë prezantuan një rezolutë të përbashkët që "shpreh mbështetjen për heqjen graduale" të shitjeve të automjeteve elektrike në 12 vitet e ardhshme.

"Që nga shpikja e tij automjeti me gaz i ka mundësuar industrive dhe bizneseve të shtetit që të angazhohen në tregti dhe transportin e mallrave dhe burimeve në mënyrë më efikase në të gjithë vendin," thuhej në propozim duke përmendur mungesën e infrastrukturës ekzistuese të karikimit të EV dhe "jo lehtësisht të riciklueshme" si arsye për ndalim.

Ashtu si gati gjysma e konsumatorëve amerikanë edhe një pjesë e mirë e politikanëve gabimisht besojnë se bateritë e automjeteve elektrike nuk janë të ripërdorshme, kur në fakt ato mund të riparohen vazhdimisht pa ulur performancën.

Ky fakt ka të ngjarë të mos ndryshojë mendjen e këtyre ligjvënësve të cilët pretendojnë se "përhapja e automjeteve elektrike në kurriz të automjeteve me gaz do të ketë ndikime të dëmshme në komunitet dhe do të ketw efekte anwsore për ekonominë e Wyoming, si dhe mungesën e aftësisë që ky vend të angazhohet në mënyrë efikase në tregti.

"Ndalimi gradual i shitjes së automjeteve të reja elektrike në Wyoming deri në vitin 2035," thoshte projektligji "do të sigurojë stabilitetin e industrisë së naftës dhe gazit të Wyoming dhe do të ndihmojë në ruajtjen e mineraleve kritike të vendit për qëllime jetike".

Kalifornia dhe Nju Jorku, së fundmi kanw njoftuar ndalime mbarëkombëtare për shitjet e automjeteve të reja me gaz dhe naftë, pasi guvernatori i Tenesit Bill Lee propozoi një rritje prej 200 dollarësh në tarifat e regjistrimit të automjeteve elektrike për të kompensuar humbjen.

Të paktën 31 shtete të tjera kërkojnë gjithashtu para shtesë nga shoferët pa emetim, duke filluar nga 50 dollarë në më shumë se 200 dollarë.

"Shtetet e Bashkuara kanë investuar vazhdimisht në industrinë e naftës dhe gazit për të mbështetur automjetet me gaz," thuhej në projekt-ligjin e Wyoming dhe ky investim ka rezultuar në punësimin e vazhdueshëm të mijëra njerëzve në industrinë e naftës dhe gazit në Wyoming dhe kudo. Lëndët djegëse fosile, duke përfshirë naftën dhe produktet e naftës, do të vazhdojnë të jenë jetike për transportin e mallrave dhe njerëzve nëpër Wyoming dhe Shtetet e Bashkuara për vitet në vijim."