Anija pa ekuipazh ishte e mbushur me sende të veçanta ndërsa lëvizte lart dhe rreth hënës përpara se të kthehej në Tokë të dielën.

Shaun the Sheep, katër mini figura Lego dhe 245 figura Silver Snoopy ishin në mesin e ngarkesës në bord.

Zogu i kuq i vendosur në pjesën e sipërme të djathtë është në kujtim të Mark Geyer, një ish menaxher i programit Orion dhe drejtor i Qendrës Hapësinore Johnson.  Kujtojmë se ai ndërroi jetë vitin e kaluar.

Zogu përfaqëson ekipin e bejsbollit të St Louis Cardinals, ku Geyer ishte një tifoz i zjarrtë. Mbi zonën demo të teknologjisë Callisto-Alexa në mes janë disa pika të çuditshme, por në të vërtetë janë simbole të kodit Morse.

Poshtë Callisto përballë sediljes së pilotit janë disa numra. Këto përfaqësojnë kodet e shteteve për Shtetet e Bashkuara, Gjermaninë, Italinë, Zvicrën, Francën, Belgjikën, Suedinë, Danimarkën, Norvegjinë, Spanjën dhe Holandën, të cilët morën pjesë në ndërtimin e Modulit të Shërbimit Evropian të anijes. Diku tjetër, mund të keni parë shkronjat CBAGF, në anën e djathtë pranë sediljes së pilotit dhe poshtë njërës prej dritareve.

CBAGF janë nota muzikore për hitin e Frank Sinatrës të vitit 1964 Fly Me to the Moon.

Dhe në fund ka një kod për numrin 18 në krye të sediljes së pilotit. Kjo ka për qëllim të njohë historinë e udhëtimit të NASA-s në Hënë me Programin Apollo dhe të festojë kthimin e një anije kozmike njerëzore në Hënë pas Apollo 17 për brezin e Artemidës.