Pothuajse çdo produkt në shtëpitë amerikane apo edhe në botë, nga llambat tek kolltukët, dritaret dhe routerët Wi-Fi, përputhet me standardet dhe matjet e një sistemi global të krijuar për të siguruar cilësi dhe funksionim të përsosur. 

Standardet industriale, të krijuara nga Sh.B.A dhe aleatët e saj gjatë dekadave, formojnë një matricë të padukshme rregullash që mbështesin tregun global. Ky uniformitet është thelbësor për tregtinë ndërkombëtare pasi garanton që bulonat, prizat USB dhe kontejnerët e transportit mund të përdoren të gjitha në të gjithë botën. Standardet pasqyrojnë konsensusin e paneleve ndërkombëtare të lerësimit të dominuara prej kohësh nga ekspertë teknikë perëndimorë.

Kina tani dëshiron të marrë drejtimin në fushat e teknologjisë e së ardhmes. Për shqetësimin e shumë vendeve perëndimore, Pekini po përdor fonde shtetërore dhe ndikim politik në përpjekje për të përcaktuar normat për të gjitha mënyrat e teknologjive më të fundit që përfshijnë telekomunikacionin, transmetimin e energjisë elektrike dhe inteligjencën artificiale.

"Dominimi i standardeve teknike që mbështesin teknologjitë e informacionit dhe komunikimit dhe fusha të tjera në zhvillim është pjesë integrale e ambicieve të Pekinit", tha Komisioni i Rishikimit të Sigurisë Ekonomike dhe të Sigurisë të SHBA-Kinës në Kongres në dhjetor.

Përpjekjet e Kinës drejtohen nga dëshira për të konkurruar Perëndimin, si dhe nga grumbullimi i fitimeve. Standardet e bazuara në teknologjitë e patentuara shpesh kërkojnë nga përdoruesit të paguajnë tarifa licencimi. Nokia Corp. dhe Qualcomm Inc, për shembull, fitojnë miliarda dollarë në vit nga patentat që mbështesin sistemet e telefonave celularë të bërë nga rivalët. Kina pa dyshim, më shumë do të fitonte duke hartuar standarde që përputhen me teknologjitë e zhvilluara nga kompanitë e veta.