Mbikëqyrësi i garës në Francë tha se Google ka promovuar shërbimet e veta të reklamimit në internet në dëm të rivalëve.Ajo zbuloi se platforma e menaxhimit të reklamave të Google për botuesit e mëdhenj, Google Ad Manager, favorizonte tregun e vetë reklamave të kompanisë  Google AdX. 

Google tha se do të bënte ndryshime në biznesin e saj të reklamave.Gjiganti i teknologjisë amerikane ka rënë dakord të bëjë më të lehtë për botuesit të përdorin të dhënat dhe mjetet e tij. 

"Ne do të testojmë dhe zhvillojmë këto ndryshime gjatë muajve të ardhshëm para se t'i nxjerrim ato më gjerësisht, duke përfshirë disa globalisht" -tha kompania. 

 Nuk është hera e parë që kompania, në pronësi të Alphabet, goditet me gjobë të rëndë për shkeljen e rregullave evropiane të reklamave.Google u gjobit me 1.49 miliardë € (1.28 miliardë £) nga BE për bllokimin e reklamuesve rivalë të kërkimit në internet në 2019.Ajo u gjobit gjithashtu 50 milion € (44 milion £) në 2019 nga rregullatori francez i të dhënave CNIL, për shkelje të rregullave të BE-së për mbrojtjen e të dhënave.

"Vendimi për të sanksionuar Google është i një rëndësie të veçantë sepse është vendimi i parë në botë që përqendrohet në proceset komplekse të ankandit algoritmik mbi të cilat mbështetet biznesi i reklamave në internet," tha Isabelle de Silva, shefe e Autorité de la concurrence (Autoriteti i Konkurrencës) i Francës .