Facebook deklaroi që do të shtojë “official music videos” në rrjetin e saj social në SHBA, duke filluar nga kjo javë. Ky tipar do t'u lejojë njerëzve të gjejnë, shikojnë dhe shkëmbejnë video muzikore në Facebook, duke konkuruar YouTube e Google.

Facebook tha se do të jetë gjithashtu burimi për premierat ekskluzive të muzikës në javët e ardhshme, përfshirë video nga artistë si J. Balvin, Karol G, Sebastian Yatra, Alejandro Fernandez, Caliber 50 dhe Lele Pons, sipas një postimi në blog.

Facebook është rrjeti më i madh social në botë, por YouTube, me më shumë se 2 miliardë shikues në muaj, është burimi kryesor i internetit për video.

Facebook mësoi se si videot muzikore në platformën e vet do t'i lejonin artistët të angazhohen ngushtë me tifozët përmes veçorive si efekte “Custom AR” dhe music stickers, duke pritur pyetje pergjigje në Facebook Live dhe duke mbledhur para për kauza të rëndësishme përmes butonit “dhuro” në Live dhe në Stories.

Facebook tha se gjithashtu është duke punuar me partnerë në Indi dhe Tajlandë për të ndërtuar themelet e një përvoje video muzikore në Facebook edhe atje.