Bateritë jon me litium të rikarikueshme u përdorën për herë të parë komercialisht në kamerat e dorës në 1991. Më vonë u përdorën për laptopët. Pas një dekade, bateritë mundësuan zhvillimin e titanëve të teknologjisë si Apple Inc. duke furnizuar tregun me smartphone dhe pajisje që mund të visheshin(apple watch etj), pastaj u implementuan në automjete elektrike. Teknologjia themelore ka mbetur pothuajse e njëjtë: Jonet e litiumit lëvizin përmes një lëngu nga katoda në anodë dhe përsëri kthehen.

Megjithatë, ky ishte vetëm fillimi. Pas një dekade të rënies të kostove, bateria ka arritur një pikë kthese. Jo vetëm për produktet e konsumit, por ajo është gati të transformojë mënyrën se si bota përdor energjinë.

Në sektorin e energjisë, bateritë e përballueshme në çmim po bëjnë të mundur që kompanitë të ruajnë energjinë elektrike dhe të realizojnë energji të ripërtëritshme. Në industrinë e automjeteve, ata do të sfidojnë dominimin shekullor të motorit me gaz. Kostot kanë rënë aq shpejt sa që prodhuesit e makinave presin që automjetet elektrike, të cilat aktualisht janë më të shtrenjta se sa homologët e tyre me gaz, do të kushtojnë të njëjtën shumë për t'u ndërtuar brenda pesë viteve të ardhshme.

Fitimet ka të ngjarë të vazhdojnë. Automjetet elektrike aktualisht janë burimi kryesor i kërkesës për bateritë. Ndërsa kërkesa rritet dhe kostot bien më tej, bateritë do të bëhen edhe më të domosdoshme nëpër industri. Bateritë kohët e fundit patën një zhvillim në General Motors Co., e cila tha se shpresonte të hiqte makinat me benzinë ​​dhe naftë nga sallat e saj në mbarë botën deri në vitin 2035.

Bumi i baterisë mund të shkatërrojë kërkesën për naftë të papërpunuar dhe nënprodukte të tilla si benzinë ​​- si dhe për gaz natyror, i cili përdoret kryesisht në termocentralet. Ndërsa materialet e minierave prodhojnë gazra të dëmshëm, analistët besojnë se zhvendosja në përdorimin e  baterive në sektorët e automjeteve dhe energjisë do të ulte emetimet në përgjithësi, duke rritur përpjekjet për të trajtuar ndryshimin e klimës.