I tillë është dhe fakti se përse së fundmi ne po shpenzojmë shumë kohë duke parë “reels” në Instagram. CEO i kompanisë Meta ia atribuoi këtë rritje investimeve në inteligjencën artificiale që ndihmoi shpërndarjen e Reels tek përdoruesit.

“Reels vazhdon të jetë më sociale me njerëzit që shpërndajnë më shumë se 2 miliardë prej tyre çdo ditë, duke u dyfishuar në 6 muajt e fundit”.

Nga ana tjetër Mark Zuckerberg është shprehur se koha që përdoruesit kalojnë në aplikacion është rritur me 24% që prej lançimit të videove të shkurtra.

Gjigandi i teknologjisë është shprehur se inteligjenca artificiale fuqizon rekomandimet dhe infrastrukturën e renditjes që vë në lëvizje të gjitha produktet, nga faqet kryesore, Reels dhe reklamat.

“Së bashku me shpërndarjen e përmabjtjes nga miqtë dhe familjarët, më shumë se 20% e përmbajtjes në faqen tuaj të Instagram dhe Facebook vjen nga inteligjenca artificiale që rekomandon njerëz, grupe  apo llogari që s’i ndiqni.

Në Instagram, kjo është 40% e pëmbajtjes që shihni. Qëkur kemi lançuar Reels, rekomandimet nga inteligjenca artificale kanë rritur me 24% kohën e kaluar në aplikacion”. Inteligjenca artificiale gjithashtu ka përmirësuar monetizimin e Reels duke e rritur me 30% në Instagram dhe 40% në Facebook.