Nëse iPhone juaj laget, një veçori e re dërgon një alarm duke ju paralajmëruar se telefoni juaj është i lagur dhe duhet të prisni ta karikoni.

Ju mund të tundoheni dhe ta futni celularin në një qese me oriz, por Apple i ka paralajmëruar përdoruesit: “Mos e vendosni iPhone-in tuaj në një qese me oriz”.

Ata shtuan: “Kjo mund të lejojë që grimcat e vogla të orizit të dëmtojnë iPhone-in tuaj. Mos e thani iPhone tuaj duke përdorur një burim të jashtëm nxehtësie ose ajër të kompresuar.

"Mos futni një objekt të huaj, të tillë si një shtupë pambuku ose një peshqir” dhe mos u përpiqni të karikoni iPhone-in tuaj nëse e lidhni pajisjen tuaj ndërsa është i lagësht, ai mund të gërryhet dhe të shkaktojë probleme të mëtejshme”, paralajmëroi Apple.

Si ta thani telefonin tuaj?

Apple rekomandon që të prekni butësisht iPhone në dorën tuaj për të hequr ujin e tepërt, më pas sigurohuni që lidhësi juaj të jetë i kthyer poshtë.

Pas kësaj, lini iPhone tuaj në një zonë të thatë me rrjedhje ajri, prisni gjysmë ore dhe më pas përsëritni procesin.

Nëse alarmi rishfaqet lëreni iPhone tuaj në një zonë të thatë deri në një ditë për ta ndihmuar atë të thahet plotësisht.

A ka metoda të tjera?

BBC Focus sugjeron se përdorimi i alkoolit të pastër mund të jetë më mirë për të tharë celularin tuaj.

Ata thanë: "Orizi do të tërheqë lagështinë, por kjo nuk do të thotë domosdoshmërisht se telefoni juaj do të funksionojë siç duhet më pas.

“Uji mund të ketë shkrirë tashmë qarqet e telefonit ose të ketë lënë pas gjurmë mineralesh që gërryejnë elektronikën. Gjithashtu, orizi mund të ngecë në prizën e kufjeve.

Lyrja e telefonit me alkool të pastër mund të jetë një bast më i mirë. Alkooli largon ujin dhe largon çdo depozitim mineral.