Amazon po fillon në heshtje të ofrojë rrjetin e saj të transportit dhe logjistikës si një shërbim për tregtarët e palëve të treta, bizneset dhe markat e drejtpërdrejta te konsumatori në Indi, duke përdorur zinxhirin e saj të madh të dërgesave. Për të nxitur të ardhurat në tregun kryesor jashtë shtetit, si grup i transaksioneve tregtare te kryera në mënyrë elektronike në internet, Amazon tenton të vejë në zbatim një model që ka testuar në SHBA prej muajsh.

Shërbimi, i quajtur Amazon Shipping, ofron "arritje të gjerë dhe besueshmërinë më të lartë - të gjitha me koston më të ulët të logjistikës", përshkruan kompania në faqen e saj të internetit. Amazon Shipping "do të marrë pakot tuaja 7 ditë në javë dhe do t'ua dorëzojë klientëve tuaj," shton kompania.

Shitësi me pakicë, i cili ka derdhur mbi 6.5 miliardë dollarë në Indi gjatë shtatë viteve të fundit, thotë se po ofron transportin e tij me "norma konkurruese" dhe përfshin një kanal të dedikuar për suportin ndaj klientëve. Nuk ka asnjë tarifë shtesë për dërgesat gjatë fundjavave dhe klientët nuk janë të lidhur me ndonjë kontratë për një ngarkesë, duke i lejuar ata të anulojnë shërbimin në çdo kohë.

Ajo ka partnerizuar me firmat lokale Shiprocket, Unicommerce, Easyecom, Clickpost dhe Vinculum për sistemet e menaxhimit të porosive dhe dërgesave, thuhet në faqe. Kompania ka testuar shërbimin për të paktën disa muaj në Indi, sipas një analize të faqeve të arkivuara.

 Ndërsa Amazon zgjeron shërbimin e Transportit, mund të përbëj një rrezik për firmat lokale duke përfshirë Delhivery, Ecom Express, madje edhe gjigantët e logjistikës së trashëguar, përfshirë Blue Dart dhe India Post. Flipkart, rivali i Amazon në Indi i mbështetur nga Ëalmart, gjithashtu filloi të hapte rrjetin e tij logjistik për firmat e palëve të treta në fillim të këtij viti.

Gazeta indiane Economic Times raportoi fillimisht për Amazon Shipping dhe shtoi se Amazon Shipping mbulon të gjitha llojet e produkteve përveç mallrave të rrezikshme. Në një faqe politikash, Amazon thotë se Transporti aktualisht ofron mënyrën tokësore të dërgesave dhe e kufizon numrin e artikujve të dërgesave në 99 për porosi.

Amazon hapi rrjetin e saj të logjistikës për tregtarët e palëve të treta në SHBA në fillim të këtij viti me një shërbim të quajtur Buy ëith Prime. Analistët thonë se Amazon mund të përbëjë një sfidë më të madhe për rivalët si Shopify me këtë lëvizje, sepse ka ndërtuar një "hendek pothuajse të padepërtueshëm në logjistikë".

“Sot logjistika e Amazon është masive dhe e integruar plotësisht nga qendra e përmbushjes deri në pragun e derës, edhe pse i shërben vetëm Amazon; hapi i dukshëm i ardhshëm është hapja e tij ndaj shitësve me pakicë jo-Amazon, dhe kjo është pikërisht ajo që po ndodh”, shkroi Ben Thompson i Stratechery në fillim të këtij viti.