Këto kompani vetëm njoftuan partneritetin, pasi ata nuk kishin pajisje ose produkt harduer të ardhshëm për të treguar.

“Ne po punojmë për të krijuar një epokë të re të përvojave dixhitale shumë “intriguese” që mjegullojnë kufirin midis botës sonë fizike dhe dixhitale. Me teknologjinë tonë Snapdragon XR, produktet e mahnitshme të Samsung dhe përvojat e Google, ne kemi themelin për ta bërë këtë mundësi realitet, "tha Amon në skenë.

Lockheimer vuri në dukje se Google ka investuar si në AR ashtu edhe në VR "nëpër përvoja dhe teknologji". Ai shtoi se ky partneritet do të sigurojë "hardëare dhe softuer më të avancuar" për "të ofruar teknologjinë e gjeneratës së ardhshme". KY projekt i tre gjigantëve tingëllon si një formë partneriteti për të shmangur konkurrencën nga Meta dhe Apple. Meta ka kërkuar investimin në metaverse dhe përvojat zhytëse gjatë viteve të fundit. Kompania gjithashtu zbuloi një kufje prej 1,499 dollarësh Quest Pro vitin e kaluar. Ndërsa Apple ka qenë e qetë në këtë drejtim, raportet sugjerojnë se kompania mund të lançojë së shpejti një kufje me realitet të përzier.

Në një intervistë me CNET, Roh, i cili drejton divizionin celular të Samsung, tha se ky njoftim është deklarativ për momentin, por secila kompani do të sjellë ekspertizën e saj në krijimin e platformës së realitetit të përzier.

“Çdo lojtar po merr drejtimin në secilën kategori dhe më pas ne do të punojmë shumë ngushtë së bashku në kategori të ndryshme”, tha Roh për publikimin.

Nga tre organizata, Qualcomm është më aktive në hapësirë, pasi ka furnizuar çipa për prodhues të shumtë të kufjeve, përfsphirë Meta.