CEO i Meta, Mark Zuckerberg tha të martën se kompania është në partneritet me Microsoft për të prezantuar gjeneratën e ardhshme të modelit të saj, të njohur si LLaMA 2, të lirë për kërkime dhe përdorim komercial, shkruajnë mediat e huaja.

Ashtu si kolegët e teknologjisë Google dhe Microsoft, kompania e mediave sociale ka pasur prej kohësh një ekip të madh kërkimor shkencëtarësh kompjuterikë të përkushtuar për avancimin e teknologjisë AI.

Ndërsa Microsoft përshkruhet nga Meta si një partner “i preferuar”, Meta tha se modelet do të jenë gjithashtu të disponueshme përmes Amazon Web Services, i cili është rivali kryesor i Microsoft në cloud, si dhe startup-i AI, Hugging Face dhe të tjerë.

Microsoft është gjithashtu një financues dhe partner i madh i OpenAI, krijuesi i ChatGPT. As ChatGPT dhe as ofertat e ngjashme nga Microsoft ose Google nuk janë me burim të hapur.