Samsung Electronics ka prezantuar serinë e tij më të fundit Smart Monitor, M8, me një dizajn të përmirësuar dhe elegant. M8 i ri ofron dizajnin e hollë ikonik të Samsung në katër ngjyra të reja -  bojëqielli, e gjelbër, rozë, e bardhë - e disponueshme në 32 inç me rezolucion UHD dhe një kamerë SlimFit.

E lançuar për herë të parë në nëntor 2020, seria Smart Monitor e Samsung është familja e parë e  ekraneve në botë që i ofron të gjitha. Ata janë krijuar për përdoruesit e ditëve moderne që kërkojnë një produkt që ofron funksionalitet dhe argëtim në shtëpi. Përveç shërbimeve që ofron një monitor tradicional, M8 gjithashtu i lejon përdoruesit të shijojnë një sërë shërbimesh OTT[1], duke përfshirë Netflix, Amazon Prime Video, Disney+ dhe Apple TV nëpërmjet Wi-Fi pa pasur nevojë të lidhen me një PC ose televizor.

Kur bëhet fjalë për stilin, Smart Monitor M8 ofron hapësirë dhe efikasitet pune në një dizajn jashtëzakonisht elegant. Hollësia e modelit të ri është 11.4 mm, rreth ¾ më e hollë se modelet e mëparshme. Duke shfaqur një dizajn të sofistikuar me pjesën e pasme të sheshtë, gama e ngjyrave të M8 i përshtatet çdo ambienti bazuar në preferencat personale të përdoruesit.

Kur bëhet fjalë për produktivitetin, monitori inteligjent M8 i ka të gjitha. M8 ofron një mjedis të përsosur të zyrës në shtëpi duke u lidhur me pajisje të ndryshme IT përmes Smart Hub-it të përmirësuar, pa përdorur një PC. Ndërfaqja e përdoruesit të Workspace ofron të gjitha shërbimet e nevojshme për të punuar në një ekran, duke i ndihmuar përdoruesit të lidhen pa tela me një kompjuter Windows ose Mac dhe të përdorin me efikasitet një gamë të gjerë funksionesh të dobishme, duke përfshirë shërbimin cloud të Samsung DeX, Apple AirPlay 2 dhe Microsoft 365[1], si dhe pasqyrimi i përmbajtjes nga smartphone në M8.

Për më tepër, Smart Monitor M8 ka një kamerë SlimFit magnetike dhe të lëvizshme që mund të ngjitet në monitor duke e mbajtur të pastër hapësirën e tavolinës, pa tela të panevojshëm. Kamera SlimFit përmban gjithashtu funksione të gjurmimit të fytyrës dhe zmadhimit automatik, duke identifikuar me shpejtësi fytyrën e një personi kur është në ekran dhe duke u fokusuar automatikisht në subjekt. Përveç kësaj, monitori mbështet aplikacionet e bisedës me video si Google Duo, duke i lejuar përdoruesit të punojnë nga distanca ose të përfshihen në videokonferenca në shtëpi ose në vendin e punës duke përdorur SlimFit Cam.

Smart Monitor M8 ka një qendër IoT të quajtur SmartThings Hub, ku përdoruesit mund të lidhin të gjitha pajisjet e tyre IoT me valë. Aplikacioni SmartThings i lejon përdoruesit të gjurmojnë me lehtësi pajisjet IoT në të gjithë shtëpinë falë panelit të kontrollit intuitiv të aplikacionit duke theksuar të gjitha informacionet e ofruara nga pajisjet e tjera të lidhura me M8, duke përfshirë çelësin e dritës dhe prizën[2].

[1] Disponueshmëria e shërbimit të transmetimit ndryshon sipas vendit. Mund të kërkohet abonimi.

I pajisur me një mikrofon Far Field Voice me ndjeshmëri të lartë, asistenti kontrollon pajisje të tilla si Bixby dhe Amazon Alexa[1]  duke përdorur komandat zanore. Për më tepër, mikrofoni përdor një funksion Always On Voice, duke shfaqur informacionin e bisedës në ekran kur aktivizohet Bixby, edhe nëse ekrani i monitorit është i fikur.

Për të shoqëruar gamën e gjerë të veçorive të monitorit, ekrani ofron teknologji adaptive të imazhit duke rregulluar automatikisht ndriçimin e ekranit dhe temperaturën e ngjyrave. M8 përfshin gjithashtu një stativ që përshtat lartësinë (HAS) dhe funksionalitetin e pjerrësisë, duke i lejuar përdoruesit të gjejnë pozicionin e përsosur për çdo projekt, natë filmi ose seancë studimi.

Smart Monitor M8 ka marrë çmimin CES Innovation nga CTA (Consumer Technology Association) si vlerësim për gamën e gjerë të teknologjive të ekranit. Gjtihashtu, shitjet e akumuluara të serisë Samsung Smart Monitor kanë kaluar shifrën e një milion pajisjeve të shitura globalisht.

Samsung Smart Monitor M8 vjen me një çmim të sugjeruar me pakicë prej 95.999 Lekë.

Për më shumë informacion, ju lutem vizitoni: https://www.samsung.com/al/monitors/high-resolution/smart-m8-32-inch-uhd-4k-ls32bm801uuxen/

Rreth Samsung Electronics

Samsung frymëzon botën dhe modelon të ardhmen me idetë dhe teknologjitë e tij transformuese. Kompania po ridimensionon botën e televizorëve, smartfonëve, aksesorëve, tabletave, aparateve digjitale, sistemeve të rrjetëzimit dhe memorieve, sistemeve LSI, zgjidhjeve teknologjike dhe LED. Për të rejat më të fundit, ju lutemi vizitoni faqen e risive më të fundit të Samsung në adresën http://news.samsung.com.