Sega blen Rovio dhe Angry Birds për 706 milionë euro
Sega blen Rovio Entertainment, kompaninë finlandeze që zhvillon lojëra për celularë dhe e njohur për markën Angry Birds, për 706 milionë euro.

Blerja do të bëhet përmes një oferte blerjeje publike e cila do të lançohet nga kompania shumëkombëshe japoneze, përmes Sega Sammy Holding, me një çmim prej 9.25 euro për aksion.

Sega pret të fillojë ofertën në fillim të majit dhe të përfundojë blerjen në tremujorin e dytë të vitit fiskal 2023/2024. Bordi drejtues i Rovio ka pranuar ofertën e paraqitur nga Sega dhe aksionerët, të cilët zotërojnë një total prej rreth 49.1% të kapitalit, kanë marrë përsipër të pranojnë ofertën. Sega synon të përshpejtojë rritjen e saj në tregun global të lojërave dhe të fitojë "aftësitë e zhvillimit dhe përvojën në menaxhimin e lojërave për telefonat celularë të Rovio", thuhet në një deklaratë. Tregu global i lojërave parashikohet të arrijë në 263.3 miliardë dollarë deri në vitin 2026, një rritje prej 3.5%. Tregu i lojërave celulare, në veçanti, parashikohet të rritet me 5.0% për të zënë 56% të tregut global.

What's your reaction?


You may also like

Facebook Conversations