iOS 18 i ri i Apple

iOS 18 është vendosur të jetë përditësimi "më i madh" i Apple deri më tani, raporton The Mirror.

Thuhet se do të zbulohet sistemi i ri operativ në Konferencën Botërore të Zhvilluesve (WWDC) të planifikuar për 10 deri në 14 qershor.

“Për të qenë në përputhje me iOS 18, telefoni inteligjent do të ketë nevojë për çipin A12 Bionic të Apple, i cili nuk u prezantua derisa modelet iPhone XR dhe XS u lansuan në vitin 2018”, shpjegon The Mirror.

Kjo do të thotë se çdo model i lëshuar para vitit 2018 - duke përfshirë iPhone 8 Plus dhe SE nuk do të jetë i pajtueshëm me iOS 18 të ri, sepse çipat e tyre të harduerit do të jenë të vjetruara dhe të paaftë për të mbështetur veçoritë e reja.

iPhone që nuk do të jenë të pajtueshëm me iOS 18 të ri të Apple

Modelet e iPhone që nuk do të jenë në gjendje të përdorin iOS 18 të ri të Apple, sipas The Mirror, janë:

iPhone 5s

iPhone 6

iPhone 6 Plus

iPhone 7

iPhone 7 Plus

iPhone 8

iPhone 8 Plus

iPhone SE 1st Gen

Njerëzit që zotërojnë këta iPhone të vjetër do të jenë në gjendje të vazhdojnë t'i përdorin ato, por vetëm duke përdorur sistemet operative më të vjetra.

Apple zakonisht ndërpret modelet që nuk janë në gjendje të mbështesin sistemet më të reja operative, megjithatë për pjesën e mbetur të vitit 2024 do të mbajë serinë e shtatë dhe të tetë si pjesë të gamës së saj, tha Mirror.