Ende nuk dihet se cilat vende do të preken, por thuhet se pozicionet do të mbylleshin në javët e ardhshme.

Bosi Andy Jassy tha se ishte një "vendim i vështirë", por do të ishte më i miri për kompaninë në planin afatgjatë. Kujtojmë se firma ka hequr tashmë 18,000 vende pune në janar.

Z. Jassy tha se vitet e fundit, shumica e fushave të biznesit të Amazon kishin shtuar role.

"Megjithatë, duke pasur parasysh ekonominë e pasigurt në të cilën jetojmë dhe pasigurinë që ekziston në të ardhmen e afërt, ne kemi zgjedhur të jemi më të efektshëm në kostot dhe numrin e personelit tonë," vazhdoi ai.

Ashtu si shumë gjigantë të teknologjisë, Amazon pa një lulëzim të shitjeve gjatë pandemisë kur klientët ishin të mbërthyer në shtëpi.

Por kohët e fundit shitjet e tij janë ngadalësuar pasi konsumatorët shpenzojnë më pak për shkak të krizës së kostos së jetesës.

Kompani të tjera, duke përfshirë Google dhe pronarin e Facebook, Meta, janë përballur me mënyrën se si të balancojnë masat e uljes së kostove me nevojën për të mbetur konkurrues.

Javën e kaluar Meta e cila zotëron gjithashtu Instagram dhe WhatsApp, njoftoi planet për të shkurtuar 10,000 vende pune.

Z. Jassy tha se nuk është "kurrë e lehtë" të humbasësh punonjësit, duke shtuar: "Për ata që janë prekur përfundimisht nga këto reduktime, dua t'ju falënderoj për punën që keni bërë në emër të klientëve dhe kompanisë."

Një zonë tjetër që do të ketë shkurtime është Twitch, një platformë transmetimi live për përmbajtje duke përfshirë lojërat dhe muzikën. Vjen disa ditë pasi Emmett Shear njoftoi se do të largohej nga posti i shefit ekzekutiv të Twitch pas 16 vitesh në post.

Amazon bleu Twitch për 1 miliard dollarë (1.5 miliardë £) në 2014.