Një e katërta e 16-21-vjeçarëve panë për herë të parë pornografi në internet ndërsa ishin ende në shkollën fillore, sugjeron ai. Deri në moshën 13-vjeçare, 50% ishin ekspozuar ndaj tij.

Gjetjet kanë qenë të lidhura me vetëvlerësimin e ulët tek të rinjtë dhe pikëpamjet e dëmshme për seksin dhe marrëdhëniet.

Komisionerja Dame Rachel de Souza tha se ishte "thellësisht shqetësuese". Në një anketë përfaqësuese kombëtare me më shumë se 1000 16-21-vjeçarë, 38%  kishin gjetur rastësisht përmbajtje pornografike.

Djali i Joanne Schneider ran ë kontakt me një faqe pornografike në internet në moshën tetë vjeç, pasi kishte provuar të shkruante fjalët, sharjet që kishte dëgjuar në shkollë në motorrin e kërkimit.

“Ne kishim vendosur të gjitha tiparet normale të sigurisë dhe kishim hequr aplikacione të tilla si YouTube, por as edhe një sekondë nuk menduam se djali im mund ta gjente veten në faqet e argëtimit për të rritur brenda pak sekondave,” u shpreh zonja Schneider.

"Sapo pashë se çfarë po ndodhte e mbylla faqen, por si ai ashtu edhe unë mbetëm të tronditur nga ajo që kishte parë. U ndjeva shumë e tmerrshme për të gjithë. "Papritur m'u desh t'i shpjegoja të gjitha, duke përfshirë faktin se ajo që ai pa ishte artificiale dhe larg asaj që duken njerëzit e vërtetë."

Nga 18-21-vjeçarët, 79% kishin parë pornografi që përfshinte dhunë seksuale. Pothuajse gjysma e të rinjve thonë se vajzat presin që seksi të përfshijë agresion fizik, siç është kufizimi i rrugëve të frymëmarrjes, thotë raporti i komisionerit.

Një 12-vjeçare i tha Dame Rachel-it se i dashuri i saj e kishte "mbytur" atë gjatë puthjes së tyre të parë. Ai e kishte parë atë në pornografi "dhe mendoi se ishte normale". Komisioneri i bën thirrje "çdo të rrituri në një pozicion të përgjegjshëm" që t'i marrë seriozisht gjetjet.

Projektligji i Sigurisë në internet që kalon nëpër Dhomën e Lordëve, duhet të përdoret për të mbrojtur fëmijët nga pornografia në internet, thotë ajo. "Nuk duhet të ndodhë që fëmijët e vegjël të ndeshen me pornografi të dhunshme dhe mizogjene në faqet e mediave sociale," thotë Dame Rachel.

“Unë me të vërtetë besoj se do të kthehemi pas 20 vitesh dhe do të tmerrohemi nga përmbajtja ndaj së cilës po ekspozoheshin fëmijët. 

“Më lejoni të jem absolutisht i qartë, pornografia në internet nuk është ekuivalente me një revistë ‘top-raft’. "Përmbajtja e të rriturve të cilës prindërit mund t'i kenë akses në rininë e tyre mund të konsiderohet 'çuditëse' në krahasim me botën e sotme të pornografisë në internet."

Dame Rachel inkurajoi prindërit që të mos i shmangen temës në shtëpi dhe ta bëjnë të qartë se pornografia ekstreme "nuk është e vërtetë, është aktrim".

Ajo i tha fëmijëve të mëngjesit të BBC-së se:"Duhet që prindërit të flasin me ta shpesh edhe kur janë të vegjël, në një mënyrë të përshtatshme për moshën për gjërat që mund të shohin, në mënyrë që të mos ngatërrohen".

Ajo tha se bisedat rreth "kufijve të thjeshtë", si pse nuk është e drejtë për të rinjtë të kenë telefona të lidhur në internet ose llogari të mediave sociale ishin gjithashtu të rëndësishme.

Projektligji për Sigurinë në internet do të debatohet në Parlament këtë javë mes thirrjeve nga disa deputetë dhe kolegë që ai të përfshijë masa më të ashpra për kufizimet e moshës në mediat sociale.

Twitter është burimi kryesor i pornografisë për të rinjtë, sugjeron studimi, me 41% që thonë se kishin akses atje. Faqet e dedikuara pornografike pas Twitter, janë; Instagram, Snapchat dhe motorrët e kërkimit.

'Materiale ekstrem'

Shoqata Kombëtare për Parandalimin e Mizorisë ndaj Fëmijëve ka kohë që i kërkon qeverisë të zbatojë masa të forta në Projektligjin e Sigurisë në internet për të mbrojtur të miturit.

Drejtuesi i politikës Richard Collard tha se ndikimi që mund të kishte pornografia ishte "thellësisht shqetësues".

"Ofcom duhet t'i jepet kompetenca për të vendosur standarde minimale që sigurojnë shtrirjen e masave të forta të sigurimit të moshës në platformat ku mund të shikohet materiali pornografik," tha ai. "Kjo do të sigurojë që fëmijët të mbrohen nga dëmtimi i menjëhershëm”.

Andy Lulham, nga ofruesi i teknologjisë së sigurisë VerifyMy, tha se raporti ishte "jashtëzakonisht shqetësues, por fatkeqësisht jo befasues".

"Siç qëndron, nuk ka asgjë që i ndalon fëmijët të kenë akses lehtësisht në materiale pornografike dhe materiale të tjera ekstreme në internet," tha ai.

"Kjo çështje ka ekzistuar për shumë kohë, është koha që politikanët, rregullatorët dhe sektori privat më në fund të bashkohen dhe të ndihmojnë në mbrojtjen e fëmijëve, pjesës më të cenueshme të shoqërisë."