Që globi po krijon varësi nga teknologjia nuk është më çudi. Gjithnjë  e më shumë po shkarkohen aplikacione të ndryshme nga përdoruesit dhe aktualisht ai që po kryeson është pikërisht ai mbi shëndetin mendor. Chatbot-et e AI (Inteligjencës artificiale) pak nga pak po zënë vendin e akokatëve, por a është e mundur që të zënë dhe vendin e psikiatërve apo terapistëve?

Javën e kaluar, Rob Morris, bashkëthemeluesi i aplikacionit të shëndetit mendor Koko, shkroi në Tëitter se aplikacioni i tij përdorte chatbot me AI, GPT-3 për të këshilluar 4000 njerëz.

Morris shpjegoi se si ata përdorën një qasje 'bashkë-pilot', me njerëzit që mbikëqyrnin AI sipas nevojës. 

Platforma zbuloi se mesazhet e përpunuara nga AI u vlerësuan dukshëm më të larta se ato të shkruara nga njerëzit, ndërsa koha e përgjigjes zbriti 50% në nën një minutë.

Morris pranon mangësitë e përdorimit të AI për të ofruar ndjeshmëri pasi "makinat nuk kanë përvojë të gjallë njerëzore".

Pra, kur ata thonë "kjo tingëllon e vështirë" ose "Unë e kuptoj", tingëllon joautentike," tha Morris.

“Është gjithashtu e mundur që ndjeshmëria e vërtetë të jetë një gjë që ne njerëzit mund ta vlerësojmë në mënyrë unike tonën. Ndoshta është e vetmja gjë që ne bëjmë që AI nuk mund ta zëvendësojë kurrë,'

Eksperimenti ngre pyetje etike në lidhje me rrezikun e testimit të teknologjisë së paprovuar te përdoruesit e cenueshëm, por Koko nuk është kompania e parë që përpiqet të përdorë AI për të zënë vendin e njerëzve.

DoNotPay qëndron pas "avokatit robot" të parë në botë dhe madje ka dalë me një mjet që mund të flasë me mbështetjen e klientëve të bankave duke përdorur një version të krijuar nga AI të zërave të njerëzve.