LinkedIn i cili tani ka më shumë 1 miliard përdorues, po punon për përvojën e re të lojërave, raporton TechCrunch. Tre përpjekjet e para të hershme janë lojërat e quajtura "Queens", "Inference" dhe "Crossclimb".

Një zëdhënës i kompanisë konfirmoi se ata janë duke punuar në lojëra, por ende nuk ka një datë zyrtare të nisjes. "Ne po luajmë me shtimin e lojërave të bazuara në enigmë brenda përvojës së LinkedIn për të zhbllokuar pak argëtim, për të thelluar marrëdhëniet dhe shpresojmë të nxisë mundësinë për biseda," tha zëdhënësi në një deklaratë.

Studiuesja e aplikacioneve Nima Owji tha gjithashtu se LinkedIn duket se po eksperimenton me lojërat. LinkedIn, megjithatë, nuk komentoi nëse Microsoft është i përfshirë në projektin e lojërave në kompani.

Biznesi i lojërave të Microsoft-it që përfshin Xbox dhe Activision Blizzard  regjistroi 7.1 miliardë dollarë të ardhura tremujorin e kaluar. Kompania përfundoi blerjen e kompanisë së lojrave Activision Blizzard në tetor të vitit të kaluar.

Është e qartë se LinkedIn dëshiron të rrisë kohën mesatare të shpenzimit në aplikacion dhe e sheh lojën si rrugën ideale për të hyrë dhe për të tërhequr më shumë përdorues.