Qeveria e Italisë po shqyrton dënime më të ashpra për krimet që përdorin mjete të Inteligjencës Artificiale (AI), duke përfshirë manipulimin e tregut dhe pastrimin e parave, sipas një projektligji të parë nga Reuters. 

Projektligji me 25 nene përcakton parimet e përgjithshme "mbi kërkimin, eksperimentimin, zhvillimin, miratimin dhe zbatimin" e AI në Itali, për të përballuar "ndikimin në të drejtat themelore" dhe rreziqet ekonomike dhe sociale të lidhura me to.

Dokumenti, përmbajtja e të cilit është ende objekt ndryshimi, parashikon përdorimin e mjeteve të tilla në sektorin e shëndetësisë dhe gjyqësorin, duke u fokusuar në ndikimin e tij në kushtet e punës. Ai gjithashtu vendos bazën për një strategji kombëtare të AI.

Drafti shton gjobat për manipulimin e tregut nëpërmjet mjeteve të AI dhe përcakton se përdorimi i AI për pastrim parash përfaqëson një element rëndues.

Ai gjithashtu parashikon gjoba për shkeljet e të drejtave të autorit përmes AI dhe një afat burgimi deri në tre vjet për ata që përdorin mjete të tilla për të zëvendësuar persona të tjerë, duke synuar potencialisht falsifikimet e dëmshme.

Italia aktualisht mban kryesuesin e rradhës të Grupit të Shtatë (G7) të demokracive kryesore. Kryeministrja Giorgia Meloni ka thënë se AI do të jetë ndër çështjet kryesore të presidencës së vitit 2024, e cila do të kulmojë në një samit të liderëve në mes të qershorit.

AI është bërë gjithashtu një çështje thelbësore në Bashkimin Evropian. Blloku po i afrohet miratimit të rregullave të para në botë për mjete të tilla, të cilat do të duhet të jenë në përputhje me detyrimet specifike të transparencës dhe ligjet e BE-së për të drejtat e autorit.

Në mars, Meloni tha se po planifikonte të krijonte një fond investimi për të promovuar projektet e AI me një fond fillestar prej 1 miliard euro (1.1 miliardë dollarë). Fondi mund të mbledhë 2 miliardë euro të tjera nga sektori privat.

Afati i vendosur është deri në fund të muajit Prill.