Buletini teknologjik Platformer raportoi se projekti me emrin e koduar P92 do të ndërtohej si një aplikacion i pavarur, por që përdoruesit do të identifikoheshin duke përdorur kredencialet e tyre në Instagram. Lëvizja mund të ndihmojë Metën të tërheqë disa nga përdoruesit e Twitter-it të cilët po kërkojnë alternativa pasi Musk mori përsipër dhe ndryshoi disa nga rregullat e faqes.
“Ne po eksplorojmë një rrjet social të pavarur të decentralizuar për ndarjen e përditësimeve të tekstit”, tha një zëdhënës i Meta për CNBC. “Ne besojmë se ka një mundësi për një hapësirë të veçantë ku krijuesit dhe figurat publike mund të ndajnë përditësime në kohë për interesat e tyre.”
Përpjekja e Metës do të zgjerojë ofertat e saj përtej Facebook, WhatsApp dhe Instagram dhe në një hapësirë që është dominuar nga Twitter-i i Elon Musk. Projekti drejtohet nga kreu i Instagramit Adam Mosseri, bëri me dije Platformer.
Rrjetet sociale të decentralizuara, si Mastodon ose Bluesky të mbështetur nga Jack Dorsey mbështeten në serverë individualë të cilët përdorin një protokoll uniform, duke shmangur kontrollin e centralizuar të përmbajtjes dhe censurën e mundshme.
Nuk është e qartë se sa kohë Meta ka punuar në produktin P92, ose nëse kompania ka kaluar në procesin e zhvillimit. Moneycontrol i cili e shprehu fillimisht këtë risi, citoi një person të njohur me këtë çështje, i cili tha se ideja ishte ende një "punë në vazhdim".
Meta po eksploron gjithashtu integrime me rrjetet sociale ekzistuese; si Twitter ose Mastodon pjesërisht duke u mbështetur në një protokoll të quajtur ActivityPub, raportoi Moneycontrol.