Nëse përdorni rregullisht më shumë se një telefon dhe jeni përdorues i WhatsApp, ndoshta nuk jeni të kënaqur me faktin që nuk mund të përdorni të njëjtën llogari në pajisje të shumta.
Lidhur me këtë po punohet për të sjellë lajme të mira. Sipas WABetaInfo, WhatsApp po shpërndan një veçori për të lejuar ata të konfigurojnë dhe përdorin të njëjtën llogari WhatsApp-i deri në katër pajisje në të njëjtën kohë.
Funksioni është i disponueshëm vetëm në versionin më të fundit beta të WhatsApp (versioni 2.22.24.18) dhe është shpërndarë vetëm për disa përdorues.
Është e lehtë për t'u vendosur; kur instaloni WhatsApp në një telefon të ri, opsioni do të shfaqet në menunë me tre pika në këndin e sipërm djathtas (që është në Android, funksioni me sa duket nuk është ende i disponueshëm në iPhone), duke ju lejuar të lidheni me një pajisje tjetër nëpërmjet një kod QR.
Modaliteti Companion u testua fillimisht në një version të mëparshëm beta të WhatsApp, por më pas ishte i disponueshëm vetëm në tableta. Vlen gjithashtu të theksohet se kjo ka qenë prej kohësh e disponueshme në versionin desktop të WhatsApp, të cilin mund ta lidhni lehtësisht me aplikacionin e telefonit tuaj.
Përparësitë e sinkronizimit të WhatsApp në shumë pajisje janë mjaft të dukshme: të gjitha mesazhet dhe skedarët tuaj duhet të jenë gjithmonë aty, pavarësisht se në cilën pajisje e hapni WhatsApp.
Nëse ju jeni një testues beta dhe keni të instaluar versionin më të fundit të WhatsApp në telefonin tuaj Android, mund të mos e shihni ende. Por fakti që është duke u përhapur tek disa përdorues do të thotë që shumë shpejt do të gjejë hapësirë edhe për ju.