Kjo nismë vjen si një hap konkret drejt fuqizimit të mësimdhënies praktike dhe përgatitjes së të rinjve për sfidat e së ardhmes. Në një kohë kur aftësitë digjitale janë bërë thelbësore për edukimin, punësimin dhe zhvillimin e qëndrueshëm, laboratorët IT do të shërbejnë si hapësira ku nxënësit mund të mësojnë, krijojnë dhe zhvillojnë kompetenca të nevojshme për ekonominë moderne.
“Ne besojmë se teknologjia është një mjet i fuqishëm për të hapur mundësi të reja dhe për të ndërtuar ura mes arsimit dhe së ardhmes,” — u shpreh Diego Pisa CEO i TP Albania. “Përmes kësaj nisme synojmë të mbështesim shkollat me infrastrukturë që ndihmon zhvillimin e aftësive digjitale dhe krijon më shumë barazi në akses.”
Thirrje e hapur për institucionet arsimore
Për të garantuar një proces të rregullt dhe të organizuar për identifikimin e shkollave përfituese, TP Albania ka hapur një thirrje për regjistrim për të gjitha institucionet arsimore të interesuara.
Drejtuesit e institucioneve arsimore ftohen të regjistrohen përmes linkut të dedikuar, duke dhënë informacionin e nevojshëm për vlerësimin dhe përzgjedhjen e përfituesve. Ky hap synon të sigurojë transparencë, koordinim dhe adresim sa më të mirë të nevojave reale në terren.
Si të aplikoni
Institucionet e interesuara mund të regjistrohen duke përdorur linkun më poshtë:
https://forms.office.com/e/KUwqepUD43
Afati i aplikimit: 15 Shkurt 2026
Rreth TP Albania
TP Albania është pjesë e Teleperformance, një grup ndërkombëtar lider në shërbimet e customer experience dhe zgjidhjet digjitale. Përmes iniciativave sociale dhe projekteve me impakt, kompania mbështet zhvillimin e komunitetit dhe fuqizimin e brezave të rinj në Shqipëri.