-64% e përdoruesve amerikanë të anketuar nga Twitter thonë se markat duhet të vazhdojnë të sponsorizojnë produktet e tyre.
- Sipas të dhënave nga IAB, një në katër marka ndaloi të gjitha reklamat për gjysmën e parë të vitit 2020.
- Facebook ka raportuar se 89% e reklamuesve kanë ndryshuar buxhetet e alokuara për reklamat në platformë.
Situata e pa precedent që po përjetojmë për shkak të pandemisë Covid-19, e cila ka infektuar gati 5 milion njerëz në 90 vende të botës, ka tjetërsuar jetën e të gjithëve.
Twitter kreu një studim në Shtetet e Bashkuara për të kuptuar se si përdoruesit reagojnë ndaj përmbajtjes së reklamave që shohin në Twitter në këtë periudhë të krizës pandemike. Le të shohim se çfarë të dhënash kanë mbledhur.
64% e përdoruesve thonë se markat duhet të vazhdojnë të sponsorizojnë produktet e tyre.
92% e personave të anketuar mendojnë se kompanitë duhet të vazhdojnë reklamat edhe gjatë epidemisë. Në fakt, duket se për gjysmën e të intervistuarve, të shohësh ose të dëgjosh reklama u jep atyre një ndjesi "normaliteti". Përdoruesit presin që toni i zërit dhe mesazhet e transmetuara nga markat të fillojnë të rrotullohen rreth vlerave të ndryshuara.
Në fakt, 78% e konsumatorëve besojnë se markat duhet t'i ndihmojnë ata të përballen me "normalen e re" duke përdorur tone siguruese dhe duke u ofruar atyre një këndvështrim pozitiv dhe optimist për të ardhmen.
77% e përdoruesve vlerësojnë kompanitë që përpiqen të mbështesin shoqërinë
Markat që janë të angazhuara për të ofruar mbështetje për komunitetin, qeveritë, punonjësit e kujdesit shëndetësor, bizneset e vogla, janë ato që arrijnë të krijojnë një lidhje të drejtpërdrejtë dhe të vërtetë me konsumatorët e tyre.
Kjo nuk ka të bëjë me oportunizmin, por duhet pranuar që në një skenar të ngjashëm, mundësitë që të kapen nga markat janë të shumta dhe të ndryshme.
Së pari, konkurrenca në tregun e reklamave është ulur në mënyrë drastike, pasi sipas të dhënave, një në katër marka ka ndalur përkoësisht të gjithë reklamat për gjysmën e parë të vitit 2020.
Facebook gjithashtu raportoi se 89% e reklamuesve kanë ndryshuar buxhetet e alokuara për reklamim në platformë, ose kanë zhvendosur investimet në lloje të tjera të mediave, në përgjigje të krizës së Covid19.
E gjithë kjo në një skenar ku të dhënat e mbledhura nga Gupta Media tregojnë se CPM në Facebook kohët e fundit ka rënë nën 2 dollarë për herë të parë në historinë e kompanisë.
Çfarë do të thotë? Se në këtë kohë të arrish e një audiencë më të gjerë në platformën e Zuckerberg është më e lirë se kurrë, pasi në të njëjtën kohë përdorimi i mediave sociale është në nivelet më të larta.
Si përfundim, përdorimi i platformave dixhitale është rritur ndërsa konkurrenca midis reklamuesve është ulur. Për kompanitë që janë në gjendje të bëjnë shpenzime reklamimi, kjo mund të jetë një kohë e shkëlqyeshme për të nxitur fushatat e markave, për të rritur vetëdijen dhe nivelet e vetëdijesimit të markave.