Çfarë është Re:Create Design Challenge?
Re:Create Design Challenge pasqyron përpjekjet e vazhdueshme të Samsung për t'i bërë produktet dhe shërbimet e tij më të qëndrueshme. Konkurrenca i avancon këto përpjekje duke i inkurajuar pjesëmarrësit që të gjejnë mënyra inovative për të ripërdorur pajisjet e vjetra ose materialet e përdorura duke i transformuar ato në produkte ose shërbime të reja që mund të përfitojnë si njerëzit ashtu edhe planeti.
Për shëmbull, projekti EYELIKE™ i Samsung, i cili i kthen telefonat inteligjentë të vjetër në kamera diagnostifikuese mjekësore, pajisjet më të fundit Galaxy, të cilat kanë një dizajn që përbëhet nga plastikë e ricikluar prej rrjetave të peshkimit të hedhura në oqean, si dhe telekomandën SolarCell, e cila përbëhet nga 24% materiale të ricikluara dhe funksionon me energji diellore dhe jo nga bateritë e zakonshme.
"Ne jetojmë në një epokë të pasigurt dhe me mundësi të pakufizuara, veçanërisht për krijuesit e dizajnit," tha TM Roh, President dhe Drejtues i Qendrës së Dizajnit të Korporatës në Samsung Electronics. "Samsung beson në fuqinë e krijimtarisë dhe e ardhmja jonë duhet të mbrohet dhe transformohet përmes inovacioneve kuptimplota dhe të qëndrueshme. Shpresojmë që ky konkurs të sigurojë një biletë që çon në ndryshime me ndikim për të gjithë ne."
Si të beheni pjesë?
Pjesëmarrja është e lirë për këdo mbi moshën 18 vjeç në çdo vend, pavarësisht nëse ata janë një stilist profesionist, student ose dikush pa kualifikim në dizajn.
Pjesëmarrja në konkurs është e lehtë dhe realizohet duke vizituar faqen zyrtare të Dezeen, e cila ofron detaje të plota mbi konkursin, duke përfshirë udhëzimet e aplikimit dhe informacionin për çmimet. Të interesuarit për të marrë pjesë duhet të dorëzojnë idenë e tyre në faqen e internetit të Dezeen deri më 19 korrik në orën 23:59 GMT.
Si do të zgjidhen fituesit?
Dorëzimet e punimeve do t'i nënshtrohen disa fazave të vlerësimit, bazuar në 4 kritere :
△ Inovacionin (Sa origjinale është ideja?) △ Zgjidhja e problemeve (A propozon ideja zgjidhje kuptimplota për të përmirësuar jetën e njerëzve?) △ Ndikimi social dhe mjedisor (A ndikon ideja e propozuar pozitivisht te njerëzit dhe planeti?) △ Dizajn me në fokus njeriun (Sa përshtatet ideja me filozofinë e dizajnit të Samsung dhe sa përputhet me produktet e tij ose me stilin e jetës së konsumatorëve të Samsung?)
Pasi të përfundojnë fazat fillestare,do përzgjidhet dhe shpallet lista e fituesit në muajin gusht. Një panel ekspertësh nga Dezeen do të zgjedhë fituesin e vendit të parë dhe të dytë.
Individi ose ekipi fitues i vendit të parë do të marrë në shtëpi çmimin e madh të konkursit me vlerë prej 10,000 £. Dy nënkampionët do të marrin çmime në para prej 4,000 £ secili.
Për më shumë informacion, ju lutemi vizitoni faqen zyrtare të Dezeen.