Sipas ligjit të ri të mundshëm, një foto ose video e filtruar ose e retushuar duhet të deklarohet e tillë, ndërkohë që "do të ndalohet çdo promovim për kirurgji kozmetike ... si pjesë e një partneriteti me pagesë" (partneritetet me pagesë të lojërave të fatit ose kriptovalutave gjithashtu do të ndalohen).
Qeveria po kërkon të kufizojë efektet shkatërruese psikologjike që praktikat kanë tek përdoruesit e mediave sociale.
Shkeljet e rregulloreve strikte, të propozuara nga ministri francez i financave, Bruno Le Maire, mund të rezultojnë në deri në dy vjet burg apo dhe të gjobiten rëndë. Edhe më keq (për ta), influencuesit ofendues që shpallen fajtorë nuk do të lejohen të përdorin mediat sociale ose të vazhdojnë karrierën e tyre në platforma.
Le Maire tha se do të ketë një "qasje të tolerancës zero" për këdo që nuk respekton rregullat, të cilat do të debatohen nga Asambleja Kombëtare e Francës.
Në një deklaratë për shtyp, ai tha se është vendi i parë evropian që krijon një kornizë gjithëpërfshirëse për rregullimin e sektorit të ndikuesve me ligjin që mban parasysh të gjithë ndikuesit francezë, si dhe ata që jetojnë jashtë vendit, por fitojnë para nga sponsorizimi i produkteve të shitura në Franca.
Le Maire tha se këto rregulla nuk ishin një "luftë" kundër ndikuesve apo një mënyrë për t'i stigmatizuar ata, por ishin një sistem për t'i mbrojtur ata dhe konsumatorët.
"Ndikuesit duhet t'u nënshtrohen të njëjtave rregulla si ato që zbatohen për mediat tradicionale," tha ai, duke thënë se interneti "nuk është Perëndimi i Egër".
Nuk është hera e parë që Franca kërkon të rrisë transparencën në lidhje me qarkullimin e imazheve të manipuluara. Vendi miratoi një ligj në vitin 2017 që kërkon që çdo foto komerciale që ishte retushuar për ta bërë trupin e një modeli të duket më i hollë ose më i trashë, të etiketohet "photographie retouchée" (foto e retushuar).
Ideja erdhi me mirësjellje të ish-ministres së shëndetësisë së Francës, Marisol Touraine, e cila tha në atë kohë se ishte e rëndësishme të shmangej promovimi i "idealeve të paarritshme të bukurisë dhe parandalimi i anoreksisë tek të rinjtë".
Në një kohë kur shqetësimet janë të shumta për teknologjinë e avancuar të filtrave të cilat po bëhen gjithnjë e më të pazbulueshme futja e një legjislacioni të tillë duket i përshtatshëm. Hulumtimi nga Dove kohët e fundit zbuloi se 50 për qind e vajzave besojnë se nuk duken mjaftueshëm mirë pa ndonjë formë të editimit të fotografive.
Por, ekspertët kanë paralajmëruar në të kaluarën se thjesht etiketimi i diçkaje si të retushuar ose të filtruar nuk e ndalon domosdoshmërisht shikuesin që të dëshirojë të arrijë pamjen.
Në fakt, një studim nga Universiteti i Warwick zbuloi se shënjimi i modeleve si "të përmirësuara" ose "të manipuluara" në fakt rrit dëshirën tonë për të imituar pamjen e tyre.